Ndoshta është “vetëm një çështje kohe” para se Roma të goditet nga një sulm në stilin e Barcelonës, por forcat e sigurisë kanë marrë masat e duhura në rast se Vatikani do të jetë në shënjestër.

Siguria në Itali është rritur që nga viti i kaluar, kur drejtuesi i një kamioni që dyshohettë ketë qenë militant i Shtetit Islamik, vrau 86 persona në qytetin francez të Nisës, trasmeton portali arbresh.info

Pengesat dhe automjetet e policisë dhe ushtrisë janë vendosur rreth bazilikës së Shën Pjetrit për të bërë më të vështirë mundësinë e një sulmi terrorist sikurse ishte ai në Barcelonë, ku mbetën të vrarë 13 njerëz.

“Mund të jetë vetëm çështje kohe përpara se një sulm i ngjajshëm të ndodh në Romë. Por ne jemi të përgatitur për këtë”, ka thënë Christoph Graf, komandanti i Gardës Zvicerane.

Që nga shek. 16-të Grada Zvicerane ka përsipër sigurinë papale dhe aty numërohen të marrin pjesë rreth 110 burra. Kjo gardë ndan përgjegjësitë për mbrojtjen e Papës dhe Vatikanit me një forcë policore të të njejtës madhësi.

Policia italiane është përgjegjëse për patrullimin e perimetrit të jashtëm të Vatikanit në Romë.

Garda Zvicerane është e trajnuar edhe për ndonjë sulm të mundshëm terrorist dhe për përdorimin e armëve moderne./arbresh.info/